كيف اكون سعيدة سعادة حقيقية بخطوات بسيطة ؟

السعادة مطلب الجميع وكانت طلبي من زمان ابغى اكون سعيدة ومرتاحة نفسيا  لكن مرت عليا سنين وأنا  اعاني من مشاعر سيئة☹ 😢 وماكنت اعرف كيف اتعامل معاها ( كثرة التفكير بالماضي ,الأكتئاب , التعاسة, الحزن ,الهم ,الغم ,الاحساس بالذنب على الاخطأء والذنوب و….) .

دائما احس اني متضايقة  هذي المشاعر ماكانت على طول معايا لكن بين فترة وفترة الحمد لله كنت اتجاوزها وطبعا تجيني الحالة النفسية السيئة والحزينة مع كثرة الضغوطات والمشاكل وغيرها من امور الحياة

لكن قبل كم سنة  ولله الحمد على ذلك تجاوزت هذي المشاعر واتعلمت كيف اتعامل مع الحزن والهم وكثرة التفكير  وفعلا وصلت لسعادة حقيقة مااقدر اقول دائمة لكن سعادة حقيقية من القلب وماتنقص الا شويا او فترات بسيطة وارجعلها الحمد لله ببعض الطرق البسيطة ارجع لحالة السعادة او عقلية السعادة (Happiness Mindset )

خطوات بسيطة للسعادة

القرب من الله على قد ماتقدري زيدي تقربك من الله عز وجل دائما وقوي ايمانك بأداء العبادات بصورة جيدة والتقرب بالنوافل وكثرة الذكر والدعاء 🤲(أنا مع عبدي ماذكرني).

السعادة هيا بيدك 💪 كيف بيدك انتي تقدري تصنعيها او تهدميها طبعا هيا اولا واخرا نعمة من الله لكن لابد تاخذي بالاسباب

دائما فكري بإيجابية😇 كله خير من عند الله مهما كانت المشكلة اوالمصيبة  كبيرة دائما ثقي انه خير من عند الله حتى لو جهلتي حكمة الله في هذا الامر

الصبر وعدم العجلة ففي العجلة الندامة وفي التأني السلامة في امثلة كثيرة والكل يعرفها لكن معانيها عميقة  الصبر أجره كبير في الاخرة وبنفس الوقت وسيلة للحياة السعيدة والوصول للاهداف الكبيرة  والنجاح الكبير في الحياة

أشغلي وقتك طبعا بشي مفيد 😜 الصراحة الفراغ مشكلة كبيرة انا شخصيا اكبر مشاكلي كانت من الفراغ فأاتعلمت مااترك نفسي فاضية لوقت طويل احفظ قران ,ذكر الله ,اخذ دورات ,اسوي مشاريع ,اتعلم لغة او رياضة, المهم اقلل من الوقت الفاضي بلا فايدة.  

النوم جيدا  النوم وماادراكي مالنوم الصراحة فوائد النوم مرة كثيرة ومنها انو ياثر عليك صحيا ونفسيا فمرة ابعدوا عن السهر قدر المستطاع

الاهتمام بالصحة  عدو الانسان الفعلي هو  المرض  والشيطان  اذا انت بصحة وعافية تقدري تسوي كل شي والعكس صحيح اذا فقدتي الصحة عقبال ترجعي تحصليها  مو شي سهل لذلك الوقاية خير من العلاج

.سوي اشياء تحبيها كل يوم اذا قدرتي سوي شي تحبيه  جربت اني لما اسوي انجاز في شي معين كملت دورة اخذت شهادة, حصلت درجات في اختبار ,كتبت مقال 😏 ,سويت مشروع او …..نجحت أكلت بنتي وجبة كاملة😤 تتعبني في الاكل الله يهديها المهم امور عادية تجيني طاقة وسعادة  طوال اليوم

اسعدكم الله في الدنيا والاخرة